8 Factors of Technical SEO That Will boost your Rank [Hindi]

Technical SEO in Hindi

Technical SEO in Hindi

Technical SEO kya hai?

“Technical SEO ek optimization process hai jismein website ko crawlers dwra crawl karne aur jaldi se index karne pe focus kiya jata hai bina kisi problem ke”.

Maine aksar dekha hai jab bhi SEO ki baat hoti hai tab log sirf on page SEO aur off page SEO ke baare mein hi baat karte hai. Maana ki ye sabse popular hai lekin yeh karne ke baavjud bhi agar aapki website rank nahi ho rahi hai toh kuch problem toh hogi hi.

Aise mein hum phir se on page SEO aur off page SEO ki checklist dekhte hai lekin hume kuch jyada problen najar nahi aati. Yaha pe SEO family ka tisra member kaam ata hai jo hai Technical SEO.

SEO techniques mein Technical SEO sabse under-rated technique hai. Jyadatar logon ko lagta hai ki on page aur off page SEO karne ke baad unka kaam khatam ho gaya lekin bina technical SEO ke optimization incomplete hai.

Aap kitna bhi on page –off page SEO karlo, technical SEO ke bina aap behtarin result nahi pa sakte. Technical SEO aap ke website aur search engine ke bich relation improve karne mein help karta hai.

Aapne bahut acchi tarah se website design kiya, backlink banaya lekin crawlers agar aapki ki website acchi tarah se padh nahi payenge toh rank kaise hoga? Issiliye aapke website par jab crawlers aate hai toh iss baat ka dhyan rakhiye ki website puri tarah se crawl ho taaki har ek page index ho sake.

Technical SEO mein page speed, https redirection, page errors etc factors improve aur fix karne par focus kiya jata hai. Issmein aur bhi bahut saare factors hai jo aap ke website ko index karne mein problems create kar rahe hai.

Aage dekhenge ki hum inh problems ko kaise fix kar sakte hai. 

Technical SEO kaise karte hai?

1. Enable SSL

webmaster central blog anouncement about https as ranking signal

SSL ka matlab hota hai Secure Sockets Layer.

Aapne dekha hi hoga Website ka address HTTP ya phir HTTPS se start hota hai. HTTPS mein jo S hota hai uska matkab hota hai Secure.

Aap jab apne hosting provider se SSL certificate lete hai toh aap ki website HTTP se HTTPS mein convert hoti hai. Google ne 2014 mein HTTPS everywhere ki announcement ki thi jiske tehat Google sabhi website ko HTTP se HTTPS pe redirect hone ke liye protsahit kiya tha.

Matlab Google ki najar mein HTTPS website ki value jyada hai as compaire to HTTP websites. HTTPS enable karne se visitors ka bhi trust badhta hai.

Jyadatar hosting provider aapko free mein SSL provide karte hai. Aap cloud flair se bhi free mein SSL le sakte hai.

2. Boost your website speed

page speed results in page speed insight

Google ki najar mein aapke website ka loading speed sabse bada ranking factor hai. Google ka sabse jyada focus user experience pe rahta hai aur users ko slow websites bikul pasand nahi hai.

Aise mein aap ke website ka loading time jyada hai toh ranking aap bhul hi jaiye. Ek survey ke mutabik SERP mein rank karne wali website ka average speed 3 seconds tak hota hai.

Agar aapki website load hone mein 3 sec se jyada samay lagta hai toh aap 3 second ke baad agale har ek second mein 33% visitors lose karte ho.

Aisi case mein aap ki website e-commers hai toh aapko bahut bada loss hone wala hai.

Website ka speed kam hone ke karn aap ka bounce rate bhi badhta hai. Issi liye aapki website ka load time karna aap ki main priority honi chahiye. Hum kuch techniques ka istemaal karke website ka speed badha sakte hai.

1. Choose Best web hosting

Web hosting aapke site speed par bahut impact karta hai. Agar aap ka hosting plan basic hai aur visitors jyada aayenge to server definitely crash ho jayega. Isiliye Hosting lete samay bandwidth, space yeh sab unlimited hi lena jisse baad mein problem na aa sake

2. Use Light Theme

Agar aap blogger hai toh definitely kisi ligh weight theme ka istemaal kijiye. Blog site mein jyadtar focus content pe hota hai isliye aap jyada decorative theme mat istemaal kare.

3. Compress the files

Aap website ke liye jitne bhi files istemaal kar rahe hai e.g HTML, CSS, Javascript, images, GIF etc inh sbhi files ko copmpress kijiye. Compress karne se size kam hoti hai jisse load time kam hota hai.

4. Leverage browser caching

Hum jab kisi website ko visit karte hai toh browser bahut saari files cache karke rakhta hai jisse hum jab phir se visit karte hai toh loading time kam ho sake. Hum plugins ka istemaal kar ke ye cache files kitni samay tak rakhna hai tay kar sakte hai.

5. Minify CSS, HTML, Java script

Website ke theme ki jo script hoti hai issmein bahut saara empty space rahta jisse file size badhti hai. Aisi file ko plugins ki madat se hum minify kar skte hai, matlab ye jo empty space hai usse remove kar sakte hai. Ye script minify karne par aap ke site speed mein definitely improvement hogi.

3. Make your website Mobile-friendly

mobile friendly test result

Mobile friendly ka matlab hota hai aap ki website desktop pe jitni user friendly hai utani hi user friendly mobile pe honi chahiye.

Aaj duniya mein jyadatar log internet ka istemaal mobile par hi karte hai. Matlab aap ke wesite par jo visit karte hai hai mobile ke through hi aate hai.

Aisi condition mein aap ki website mobile-friendly honihi  chahiye. Aaj takriban sabhi themes aapko responsive design ka option provide karti  hai. Iski madad se aap mobile website customize kar sakte hai.

Mobile pe customize karte samay aap user experience pe dhyan dijiye.

Jaise ki,

1. Font ki size, Image ki quality, menu, Search box etc pe

jarur dhyan de.

2. Agar website pe button ka istemaal kar rahe hai toh unka size bada rakhiye taki visitors unglise aasani se click kar sake

3. Agar website pe Pop ads ka istemaal karte hai toh mobile

ke liye pop up ads disable kijiye. Pop ads mobile users ko bahut irritate karti

hai. Ads close karne ke liye jo X ka symbol hota hai woh kafi chota hota isse

ad close karne mein pareshani aati hai.

4. Create XML sitemap

crawlers and webpages

Sitemap ek prakar ka map hota hai jo search engine crawlers ko aapke pages tak pahunchata hai.

Sitemap koi ranking factor nahi hai. Bina sitemap ke bhi aapke pages index ho sakte hai. Lekin site map ki madad se crawler aap ke web site ko jaldi crawl kar sakte hai.

Plugin ka istemaal karke aap free mein sitemap create kar sakte hai. Sitemap create karne ke baad aap google search console mein jarur submit kare.

Agar aapke website ka sitemap check karna chahte hai toh aap website URL type karke ”/sitemap.xml” type kare.

E.g. seoinhindi.net/sitemap.xml

5. Add canonical tags

canonical tag

Canonical tag ek prakar ka HTML tag hota hai jo webpage ki header mein hota hai. Canonical tag ki madad se hum ye darshate hai ki humara content original hai.

Canonical  tag ka istemaal duplicate content ko rokne ke liye kiya jata hai. Aap jab search engine mein search karte hai toh kabhi kabhi aisa hota hai ki search engine ke saamne same content display hota hai.

Yeh content kabhi same website se hata hai toh kabhi alag alag website se. Aise mein search engine confuse hota hai ki kaunsa content jyada relevant hai.

Iss case mein canonical kaam ata hai . Search engine ke saamne jo same content ke results aate hai unmein agar canonical URL hota hai toh search engine usse show kar deta hai.

Canonaical URL wala content master copy hoti hai isliye woh result mein ata hai. Issliye agar aap bhi duplicate contet se bachna chahte hai toh iska istemaal jarur kare.

404 error

Dead links/ Broken links woh links hote hai jo kisi karan remove ki ja chuki hoti hai ya phir usse move kiya ja chuka hota hai.

Agar aap ke website pe aisi link hoti hai aur koi visitor uspe click karte hai toh usse error ata hai. Isse visitors pe bad impression padta hai.

Agar aap ne bahut jada external linking ki hai toh aap ko yeh problem jarur aa sakta hai. Aise aap ko broken link find karke usse fix karna bahut jaruri hai.

Aisi link dekhne ke liye aap Google analytics ki madad le sakte hai. Google analytics ek free tool hai jiski madad se aap apne website broken links/ dead links dhund ke usse fix kar sakte hai.

7. Use Robots.txt file

cartoon robots

Robots.txt ek text file hoti hai jo search engine ke crawlers ko instruction deti hai ki website ki kaun kaun se pages crawl karne hai aur kaun se nahi karne hai.

Search engine ke crawlers jab humari website par crawling karne ke aate hai toh woh pehle robots.txt file ko dhundte hai. Iss file mein jo instruction diye hote hai uske hisaab se woh crawling karte hai.

Aise mein agar aap ke directory mein robots.txt file nahi hoti hai toh crawler aap ke sabhi pages crawl karke index karega.

Agar aap chahte hai ki koi specific pages index na ho toh aap iska istemaal jarur kare.

8. Implement Accelrated Mobile Pages (AMP)

amp

Google ne mobile pe user experience badhane ke liye AMP ko introduce kiya hai. AMP impiment karne se aap ki website mobile pe bahut fast load hoti hai.

Agar aap ko mobile pe page load time kam karna hai toh aap definaitely iska istemaal kijiye.

Gogole ne pehle hi declair kiya hai ki AMP ranking factor nai hai. Agar aap chahte ho ki aap ki web site mobile par fast open ho toh aap iska istemaal kar sakte hai.

AMP ka istemaal kar ke aap sirf speed badha sakte hai baki uska kuch jada faayda nahi hai. Iska implement karna bhi thoda difficult hota hai.

Yeh kuch popular techniques hai jiski madad se hum technical SEO kar sakte hai. Technical SEO ek bar karte hai toh uspe jyada dhyan nahi dena padta.

Add a Comment

Your email address will not be published. Required fields are marked *