Search Engine Kaise Kaam Karta Hai – Explained

How Search Engine Works

Search engine kaise kaam karta hai?

SEO karne se pahle aap ko ye janana bahut jaruri hai ki search engine kaise kam karta hai.


Aisa kyun? 


Maan lijiye aap apna mobile repaire karna chahte hai toh aap ko yeh pata hona chahiye ki mobile aise work hota hai. Uska har ek part kaise work hota hai. Yeh bina jaane aap mobile repair nahi kar sakte .


Thik aise hi agar aapko search engine optimization sikhna hai toh aapko search engine kaise work hota hai yeh janana bahut jaruri hai. Aap online padh ke ye sikh sakte hai ki On page SEO kaise kare, Off page SEO kaise kare.


Lekin aapko jabtak ye samajh nahi aata ki search engine kaise kam karta hai tabtak aap yeh donky work karte rahenge jisse aapko bahut kam fayda hoga.


Aap ko jab search engine kaise work karta hai yeh samjh aayega toh aap ke liye SEO karna bahut asaan ho jayega, Uska thoda bahut algoritham aapko samjh aane lagega.


Aap ne kabhi socha hai ki within a fraction of second kaise Google humare saamne karodo result leke aata hai?


Actual mein woh kya karta hai?


Chaliye jaante hai puri jaankari iss article mein.


Search engine ki simple defination

“Search engine ek program ya phir softwere system hai jo hume world wide web par humare search ke related results provide karti hai”.

Okay. Yeh ho gayi search engine ki defination. Aage dekhte hai ki ye work kaise karta hai.

Starting mein jab internet naya naya aaya tha tab ek website index hone mein bahut time lagta tha. Aisa issliye hota tha kyun ki tab itna development nahi tha.

Jab koi nayi website launch karta tha toh usse search engine ko batana padta tha ki maine website launch kardi hai aap aake index kijiye. Phir ja ke unki website index hoti thi aur baad mein rank.

Jaise jaise improvement hoti gayi naya algorithm ata gaya, usmein updates aate gaye. Lekin Iss process ka basic toh waisa hi raha hai.

Hum agar Google ki baat kare toh-Ek typical search engine ( Google) work hone ke piche 3 process hote hai.

1. Crawling

2. Indexing

3. Algorithm

Crawling

crawling

Aap ne spider toh dekha hi hoga. Jee han wahi spider jo aap ke ghar me rahta hai jise hum makadi bolte hai.

Jab ye spider chalta hai toh uske chalne ki process ko crawling bolte hai. Aise hi Search engine ki case mein hota hai.

Google ke pass bhi aise crawlers hote jisse bots yaphir spiders yaphir crawlers bhi kaha jata hai.

Ye jo spiders hote hai woh humesha internet par ghumate rahte hai. Yeh spider 2 kaam karte hai.

1. Naye web pages ko khojna.

2. Inh pages ke baare mein jaankari paramarjit karna.

Ab aap ke man mein ye question ata hoga ki ek spider aap ke website par crawling karne ke liye kaise aata hoga?

Iska jawab hai linking ke jariye.

Ek spider aap ke website par link ke through ata hai jo world wide web ke jariye ek dusre ko connect kiye huye hai.

Jab ye spider aap ke website ko visit karta hai toh woh aap ki puri website chhan leta hai. Aapke jitne pages hai, internal links, external links hai sab kuch crawl karta hai.

Yeh information woh html coding ki language collect karta hai kyunki usse coding language hi samjh aati hai.

Hume website pe jo image, videos dikhta hai woh usse samjh nahi aate. Iss tarah inh spider ka crawling pura hone ke baad indexing ki process hoti hai.

Indexing

Indexing process

Google ke bots jab crwling karke aate hai toh ye information jaise ki content, links, pages etc ek bahut bade database mein store ki jaati hai.

Iska fayda ye hota hai ki jab hum search bar mein kuch type karke enter karte hai toh within a second, humare saamne karodo results aate hai. Matlab Google hume uski database mein jo results pahlese stored hai wahi dikhata hai.

Imagine kijiye agar humare type karne ke baad spider crawler karne jaate aur information ikattha karke wapis aate toh kitna samay lag jata.

Google ka jo database hota hai waha pe puri information bahut acchi tarah se store ki jati hai. Har ek ko alag alag category mein devide kiya jata hai e.g.- health, business, sport, education, travelling etc.

Yahi wajah hai ki Google hume exact result de pata hai.

Ek baar jab aap ki nayi website index ho jato hai toh Google ki directory mein add ho jaati hai. Iske baad yeh spiders kuch specific time period mein aapki website pe crawling karne aate rahte hai.

Crawling karte samay kuch nayi information milti hai toh usse database pe store ki jaati hai. Aapki website mein agar links mil jate hai toh usse bhi crawl kar ke uss website par chale jate hai.

Aisa karte karte woh 24×7 crawling karte rahte hai. Yeh process humesha chalti rahti hai.

Algorithm

Crawling aur Indexing ke baad data to mil jata hai, lekin yeh decide kaise kiya jata hai ki ek result ke liye lakho website mein se kaunse website ka data dikhaya jaye?

Kaun sa data jyada relevant hoga jisse visitor satisfy ho jaye?

Yaha pe Google ek Algorithm ki help leta hai.Generally algorithm matlab ek set of rule hota hai jo problem solve karne ke liye banaya jata hai.

Kuch aisa hi algoritham Google ne bhi develop kiya hai unke ranking problem solve karne ke liye.

Lekin yeh algorithm kya hai yeh Google ke alava koi nahi jaanta. Yeh ek top secret hai.

Bade bade SEO expert ye algorithm jaanane ke liye bahut mehnat karte hai. Woh apne post pe experiment karte rahte hai. 

Kuch had tak isse smjha jaa sakta hai, lekin Iss algorithm puri tarah se ko samjhna lagbhag na ke barabar hai. Jab tak aap algorithm samjh jaate hai tab tak Google usko update karta hai.

Yeh update humesha hote rahte hai. Pichle saal jis algorithm se log apne page rank karvate the ho sakta hai woh algorithm aaj kaam hi na kare.

Issliye Google ki updates pe dhyan dena bahut hi imprtant hai. Google apni website par inh algoritham ka humesha announcement karta rahta hai. Webmaster central blog yeh ek Google ki official blog website hai. Yaha pe aap iss updates ke baare

mein jaan sakte hai.

Aaj ranking factors ko leke bahut saare misconceptions hai. Sab apne heesaab se ranking factors declair karte hai. Lekin kuch basic algorithm  hai jo kabhi nahi badlte.

Jaise ki-

  • Aap ka content Quality hona chahiye .
  • Website responsive honi chahiye.
  • Website ka load time kam se kam hona chahiye ( 3 seconds se kam ).
  • Aap ki website secure honi chahiye ( HTTPS ).
  • Website pe high quality aur relevant backlinks hone chahiye.
  • Content ki length badi honi chahiye ( average 2000 words ).
  • Redirection acchi tarah se honi chahiyeSite ka structure badhiya hona chahiye.
  • Bounce rate kam hona chahiye.
  • Keyword acchi tarah se place hone chahiye etc.

Yeh kuch common factors hai jo 100% ranking mein matter karte hai.

Upar diye huye list pe agar aap dhyan dete hai toh aapko pata chalega ki ye factors aapke website ko user-friendly banate hai. Ek baat humesha yaad rakhiye ki Google ka focus humesha users ki satisfaction pe hota hai.

Google ki mission par najar dalenge to unhone ye announce kiya tha.

google mission

“From the beginning, our mission has been to organize the world’s information and make it universally accessible and useful. Today, people around the world turn to Search to find information, learn about topics of interest, and make important decisions. We consider it a privilege to be able to help. As technology continues to evolve, our commitment will always be the same: helping everyone find the information they need”.

-Google

“shuruvat se, humara mission duniya ki jaanakari ko vyavasthit karana aur ise saarvabhaumik roop se sulabh aur upayogi banana hai. Aaj, duniya bhar ke log jaanakari khojane, unke intrest ke baare mein sikhne, aur apne nirnay lene ke bare mein search karte hai. Hum unko madad karne mein saksham hone ka visheshikar maante hai. Jaise jaise technology develope hoti jaayegi humari commitment same rahegi jo hai logonko unki chahiti information khojne mein help karna”.

Yaha pe gaur kijiye ki Google ko unke users ki problem solve karne ke liye content chahiye. Aap bhi apna focus ranking pe na rakhte huye aap ke visitors ki intention par rakhiye aur content taiyar kijiye. Aap agar unki need puri karte hai toh aap ka post rank hona hi hai.

Rewinding

Toh humne iss article mein dekha

Search engine ek program ya phir softwere system hai jo hume world wide web par humare search ke related results provide karti hai

Search engine ka  kam 3 process ke upar chalta hai.

      

Crawling- Google ke paas jo bots/spiders hote hai  woh pure internet pe ghumke

information ikattha karte hai.

        

Indexing- Khoji hui information ko ek bade database mein category ke anusaar  store kiya jata hai.

   

Algorithm- ye ke rules ka set hota hai jiski madad se Google decide karta hai ki kaun si website ki information visitors ko dikhai jaye jisse woh satisfied ho sake.

Ranking facrors jo aap ke website ranking kmein matter karte hai jaise ki page speed, content, responsive design, backlinks, content length, bounce rate etc.

Google ka mission duniya ki jaanakari ko vyavasthit karana aur ise saarvabhaumik roop se sulabh aur upayogi banana hai.

Post acchi lage toh share jarur karna.

Add a Comment

Your email address will not be published. Required fields are marked *