12 Basic On-Page SEO Techniques jo aap ko pata honi chahiye

on page seo factors


On page SEO Serch engine optimization ka ek part hota hai jis mein woh sab part shamil hai jo hume kisi bhi website pe dikhta hai.

Website ka content, design. url, meta description, title, images, videos etc. ye sabh on page seo ka part hai.

Ek successful post google ki search engine result page ( SERP ) mein rank karane ke liye on page SEO ka mahatv asadharn hai. Yeh post puri padhne ke baad aap ko on page SEO ke bare mein puri idea aa jayegi.

Iss mein jo kuch points diye gaye hai woh sab on page SEO ke mahatvpurn parts hai. Agar aap ko SERP mein rank karna hai toh inh sabke upar aapko dhyan dena hoga.


1. Content

This is how content looks like

Content hi hai jo aapko zero se hero bana sakta hai. Ek viral content aap ke website ko ek raat mein itna traffic de sakta hai ki us traffic se aapki website crash ho sakti hai. Ji han. Ye possible hai sirf aur sirf content se. 

Google ko hamesha acche content ki jarurat hoti hai. Unko aisa content chahiye hota hai ki jo content bilkul naya ho, unique ho, log use jyada se jyada pasand kare. Aise content se log jyada samay tak aap ki website par rukte hai jisse aapka bounce rate kam ho jata hai.

Aap jo bhi content likh rahe ho uska proper tarike se research karo. Iske liye aap ko keyword research karna bahut jaruri hai. Aap ne likhe hue post ko koi google mein search nahi krta hoga toh aapke content ka value zero hai. Isiliye aapka content humesha proper research ke baad hi likho.

Research ke liye aap koi bhi tool ka istemal kar sakte ho. E.g Ahrefs, Keywords. everywhere, ubersuggest etc. Content pura detail mein likho. Google lambe aur meaningful article ko humesha prefrance deta hai.

Content kitne shabdon ka hona chahiye iska koi rule nahi hai lekin kam se kam 2000 se 3000 shabdo tak rahega toh accha hoga. Content itna accha hona chahiye ki log apne aap share kare jisse aapka backlinking strong jayega. Isse aap ka off page SEO bhi ho jayega.

2. URLs

This is how URL looks like

URL ka arth hota hai Uniform Resource Locator. Yeh aapke website ka address hota hai. Aap jab naya website start karenge toh niche se match hota hua URL chunniy.

e.g. Mera website SEO ke baare mein hai aur main Hindi bhasha mein likhta hu toh maine SEOinhindi.net ye domain liya jisse mera URL hua https://www.seoinhindi.net. Iss tarah aap bhi apne niche ke hisaab se URL chune. Aisa karne se Google ko jaldi samajh aayega.

URL 15 letters se kam hona chahiye aur usmein special character ka upyog na kare. Isse ranking mein aapko fayda hoga. Aapke website mein jitne bhi pages ya posts hote hai unka har ek ka sub domain hota hai.

Sub domain ka address bhi uss post ya page se sambandhit hona chahiye. Ussme anavashyak shabdo ka istemal nahi na kar.

3. Title

This is how title looks like

Title likhte samay post ke main keyword ka jikr jarur kare. Post ka title unique banaiye taki log uspe click karne par majboor ho.

Yaad rahe title jyada se jyada 70 letters ka hi hota hai. Uske aage kuch likhoge toh woh SERP mein dikhega nahi. Aap ko jo bhi likhna hai woh 70 letters mein hi likhna hai issliye title thoda kam shabdo mein hi attractive banaiye.

4. Meta description

meta description appear in SERP

Ye ek specific part hota hai jo SERP mein title ke niche hume dikhai deta hai. Iska length jo hai woh 160 character tak rahata hai. Matlab aap ne meta description mein jyada character daal diye to woh jyada words Google kaat dega.

Iss descrption mein aap us post details daal sakte ho jisase visitors anuman laga sake ki ye post kis bare mein hai.

Meta description mein post ke title ka jikr ek bar jarur kare. Special characters ka upyog na kare, jyada se jyada keyword pe hi focus Karen.

5. Image title and Alt text

image description, alt text, title in wordpress site

Alt text ka matlab hota hai alternative text. Yeh alternative text image ka hota hai.. Aap jab website pe koi image upload karte hai us image ko alt text aur title dene ka option hume milta hai. Alt text uss image ka ek prakar ka varnan hota hai.

Ab prashn ye hai ki uska hume kya fayda hoga?

Kisi karan jab visitor ka internet connection slow chal raha ho to website par image load hone mein dikkat aati hai. Aisi paristhiti mein aap ke website par image load nahi hoti toh image ki jagah uska text dikhta jo humane alt text mein diya hota hai.

Title ka bhi upyog hume SEO mein hota hai. Hum jab google mein search krte hai to result mein hume images bhi milti hai. Yadi koi google pe search kar raha hai uske sambandhit humari koi image hogi to google usko aap ki image dikhayega . Yaha se sambhavana hai ki wo visitor aap ke website ko bhi visit kare. Isse aapka website traffic badh sakta hai.

6. Responsive Design

responsive design in tablet, computer and mobile

Website ka design hamesha responsive hona chahiye. Responsive ka matlab hota yadi koi aap ka website mobile mein khole to mobile par bhi acchi tarah se dikhe.

Mobile par kholne mein use koi dikkat na aaye. 

Aaj India mein jyadatar log mobile mein hi internet chalate hai to aapki website mobile-friendly hona bahut jaruri hai.

Tablet users ko bhi wahi baat lagu hoti hai. Aap apne website ka mobile friendly test bhi le sakte hai. Isse aap ko pata chalega ki aap ki website mobile friendly hai bhi ya nahi.

Agar aapki website mobile mein acchi tarah se nahi khul rahi hai toh koi acchi si theme ka upyog kare. Aaj market mein bahut saari themes uplabdh hai jo aap ko yeh suvidha deti hai.

7. Breadcrumb

8. Page Speed

page speed example of seoinhindi.net on pagespeed insight

Aap ke website ka page speed ek ranking factor mana jata hai. Aap chahe jitney bhi acche article likho, aap ke website speed kam hoga to aap kabhi rank nahi kar paoge.

Ye ek research mein prove hua hai ki ek sadharan visitor website load hone ke liye sirf 3 sec. hi rukta hai, uske baad wo dusre website pe chale jata hai.

Agar aap koi e-commers website chala rahe hai to iska aap ko bahut bada nuksan ho sakta hai. Aaj bahut saare tools hai jiski madat se aap page speed check kar sakte hai.

eg. GTmetrix, Page speed insights.

9. Headings

title, heading and subheading example

Content likhte samay importance ke hisaab se heading dena jaruri hai. Jiaise ki content mein jab aap post ke shuruvat mein title likhte hai to H1 tag mein likhe. Subtitle ke liye H2 ya H3 tag ka istemal kare. Main jo content hai woh sab ek hi header tag mein likhe ( H5, H6 etc.). Isse readers ko samjhne mein dikkat nahi aayegi.

Search engine bots jab crawling karne aayenge toh unko bhii yeh samajhne mein aasani hogi.

10. Social Sharing Button

social media sharing platforms icon

Aap apni website par social sharing ka option jarun rakhe. Social sharing bahut bada factor hai jo aap ke website par jyada traffic la sakta hai.

Visitors jab aap ke post ko like karte hai to woh apne aap hi post share karte hai. Yadi aap social sharing ka option unhe dete hai to aap ka content easily share ho sakta hai.

11. Multimedia

multimedia example

Image, Charts, Table, Video etc aap ki post mein visitors ko jyada aakarshit karte hai. Aap ki post mein inka istemal zarur kijiye. Isse visitors ka aap ki website par jyada engagement rahega.

Visitors ko text se jyada images aur graph ke madhyam se jyada samajh aata hai. Agar aap ka Youtube channel hai toh uske videos bhi aap yaha de sakte hai.

12. Sitemap

sitemap example

Sitemap apne website ka ek prakar ka structure hota hai. Google crawler jab aapki website par ata hai to woh sitemap ko hamesha crawl karta hai. Isse aapki website Google ki search engine mein index hone mein madad hoti hai. Aap plugin ki madad se sitemap bana sakte hai aur use submit kar sakte hai. SIte map do prakar ke hote hai

  1. HTML
  2. XML

Ye kuch On-page SEO ke basic parts hai jisse hum pura karke ranking mein sudharna kar sakte hai. Agar aap blogging naye ho to dheere dheere inh sab techniques ko apko istemaal karna hoga tabhi ja ke aap rank kar sakte hai. SEO ke kuch advance techniques hai jo hum baad mein dekhenge.

Summary
On page SEO in Hindi
Article Name
On page SEO in Hindi
Description
On-page SEO mein woh sab part ata hai jo hume SERP mein aur website open hone par dikhta hai. Hum apna first impression yahi se daal sakte hai.
Author
Publisher Name
SEOinhindi
Publisher Logo

Add a Comment

Your email address will not be published. Required fields are marked *