15 Amazing Ways to Drive Massive Traffic on Your Blog [Hindi]

15 Amazing Ways to Drive Massive Traffic On Your Blog

blog traffic

Badi mehanat ke baad jab koi blogger uska blog publish karta hai toh excitement level bahut high haoti hai. Shuruvat mein bahut energy hoti hai, research karna, image taiyar karna, graphs banana bahut accha lagta hai.

Dheere dheere unko pata chalta hai ki unke blog par koi visitors nahi aa rahe hai. Unko lagta hai ki itna accha content likhne ke baad bhi aisa kyun ho raha hai.

Lekin shuruvat mein sabhi blogger yeh galti jarur karte hai ki woh content toh accha likhte hai lekin baat jab promotion ki aati hai toh woh kuch jyada dhyan nahi dete.

Unko lagta hai content accha likha, SEO kiya aur kaam khatam.

Aap shuruvat mein traffic ke liye SEO ke upar depend nahi rah sakte. SEO ek bahut badi process hai aur issmein bahut jyada time jata hai. Iske dauran aapko manual tareekese traffic laana hoga. Yaha pe manual ka matlab hai promote karke.

Iss article mein aaj hum kuch aisi methods dekhenge jisse aap accha khasa traffic laa sakte hai.

Social Media Promotion

promotion on social media

Aaj ki yug mein Social media ka bolabala jyada hai. Young generation mein iska craze toh bahut jyada hai. Aise mein waha ke traffic ka fayda hum utha sakte hai.

#1. Facebook

Facebook ek social media platform hai. Aaj Facebook ke paas sabse jyada user base hai. 2 billion se bhi jyada log aaj facebook pe registered hai.

Matlab yaha se aap ke blog ko traffic bahut aa sakta hai. Apne blog ka page facebook pe jarur banaye. Iss page par aap regular update karte rahiye.

Rojana aap 2-3 post daalte rahiye. Sirf article ke baare mein hi na likhe bulki photo, video bhi share karte rahe.

Aapke topic ke sambandhit groups join kare. Group mein bhi aap daily active rahe. Waha bhi 1-2 post upadte karte rahe.

Aaj bahut saari aisi website hai jo sirf facebook ka istemaal karke dher saara traffic drive kar rahe hai.

Agar aap facebook pe aap tagda fanbase bana lete hai toh aap ko SEO ke upar

jyada dhya dene ki bhi jarurat nahi hai.

#2. Pinterest

Pinterest ek social networking website hai jaha pe log image share karte hai. Lekin yaha pe sirf images share nahi hoti bulki bahut saari ideas bhi share hote hai.

Aaj hum Google pe kuch search karte hai toh image ke result mein pinterest images ati hi hai.

Pinterest itna popular ho chuka hai ki Image ke result mein bahut saare images pinterest ke hi aate hai.

Aap yaha pe register karke apna account banaiye. Aap ke article ke jo bhi images hai woh yaha pe description ke sath share kijiye.

Har image ke liye aap ko link dene ki anumati pinterest deta hai. Agar aap ki image search engine ki result page mein aati hai toh uss image ke niche aap ke website ka link hoga. Yaha se aapko traffic mil sakta hai.

Aap jab bhi nayi post daalenge toh post ke saare images Pinterest pe jarur share kare.

#3. Quora

Quora ek bahut jyada popular website hai jo logon ke sawalon ke jawab dene mein expert maani jati hai.

Yaha pe koi bhi aake kuch bhi sawal puchh sakta hai aur baki users uska jawab dete hai. Aaj quora ke paas bahut jyada user base hai.

Yaha pe aap apna account banake logone puchhe hue sawalon ke jawab de sakte hai. Yaha pe aap waise hi sawal chuniye jo aapke topic ke related ho.

Aap jab jawab dete hai toh uss jawab mein aap website ka link de sakte ho. Agar sawal puchnewale ko aap ka jawab pasand aata hai toh ho sakta hai woh aap ke link ke upar click kare or aapko ek naya visitor mile.

Iss tarah aap jitna ho sake utna jawab dene ki koshish karo. Daily 2-3 jawab aap de sakte hai. Issmein jyada samay bhi nahi lagta.

#4. Twitter

Twitter ek social media platform hai jo microblogging ke upar based hai. 

Twitter pe log 280 character tak koi bhi text publish/tweet kar sakte hai. Twitter pe daily 125+ million log active rahte hai.

Apne blogpe article publish karne ke baad aap yaha pe short summery tweet kar sakte hai. Tweet karte samay aap hashtag istemaal jarur kare.

Yaha pe aap image bhi post kar sakte hai. Aap jaise jaise post karte jayenge, aapke followers badhte jayenge. Followers bdhenge toh visitors bhi badh jayenge.

#5. Tumblr

Tumblr ek social networking website hai jo facebook jaisi hi hai lekin yaha pe aap image aur post ke saath saath apni link, quote bhi share kar sakte hai.

Ye facebook itni popular nahi lekin inka user base kafi accha hai.

Aap yaha pe profile bana ke post kar sakte hai. Thoda bahut bhi traffic yaha se mil jata hai toh yaha pe aapka fayda hi hai.

Build Your Email List

Blog pe traffic laane ka sabse badhiya tareeka hai emails.

Jee haan !!!

Agar aapko regular base pe visitors chahiye toh aapke ke topic ke related visitors ki email list banaiye.

Aaj duniya mein jitne bhi successfull bloggers hai unke traffic ka raaz unki tagadi email list hi hai.

Aapke topic  ke related logon ki email list banana bahut hi mushkil kaam hai aur yeh list build hone mein aapko time bhi lag sakta hai. Lekin jaisehi aap dheere dheere list badhate jayenge aap ke blog ka traffic badhta jayega.

Email list badhane ke liye bahut saare methods hai. Examlpe ki taur par

#6. Pop ups

Newsletter pop ups ka istemaal karke aap acchi khasi email list bana sakte hai. Jab aap kisi website pe visit karte hai toh subscribe karne ke liye pop up open hota

hai.

Yaha pe log unka email ID dete hai jinko baad mein blog updates bheje jaate hai.

Yeh list banane mein samay lagta hai, lekin dheere dheere aap list badhate jaaiye. Aisa karte karte ek di aap ke paas bahut saare mails ekattha ho jayenge jo aapke blog par traffic layega.

#7. E-Book

Aap apne blog ke related topic par ek accha sa book likh sakte hai. Yeh book jab koi

visitor padhna chahega toh unka email id leke uss email id par aap yeh e-book

bhej sakte hai.

Yeh book puri research karke likhiye. Issmein time bhi jaayega lekin aap jarur banaiye.

#8. Meaningfull Comments on Other Blog Post

Padhne mein thoda ajeeb lagega ki commenting se traffic kaise aa sakta hai lekin aapke topic ke related jitane bhi blogs hai waha pe ja ke regulerly comments kar sakte hai.

Comment karne se pahle post ko thoda padhiye, meaning samjhiye aur baad mei comment kijiye. Jo accha laga , ya kuch missing hai toh woh bhi bataye.

Isse unke saath aapki relation acchi ho jaayegi  jo baad mein aap ko bahut kaam aa sakti hai.

Aap acchi acchi, meaningfull, thoughtfull comments denge toh baki ke log bhi aap ko appriciate karnege. Unko agar aapke thought acche lagte hai toh ho sakta hai woh aapki website pe visit kare jo aapne comment karte samay di thi.

Comment karte samay common words ka istemaal na kare jaise ki nice post, thanks for valuable post, etc. Isse accha aap koi badhiya sa question puch sakte hai jo uss article ke related ho. Isse aapki knowledge bhi badhegi aur relation bhi improve ho jayegi.

#9. Write a Magnet Post

magnet post

Magnet post kya hota hai?

Magnet post matlab aisa post jo logon ko attract kare, unhe padhne ko majbur kare. Aap ke blog pe aisa ek post jarur likhe aur usse social media pe share kare.

Yeh aapko bahut jyada traffic de sakta hai. Yeh post aisa likho ki jiska kaafi saare logon ko intjaar ho. Iss mein aise topic cover karo jo pahle kisi ne na kiye ho. Iskeliye thoda research karo.

Aap ke topic ke related aise kaun se problems hai jiske sloution bahut kam available hai aur jo available hai woh bhi kuch perfect nahi hai.

Aise mein agar aap pura research karke ek post taiyar karte hai aur acchi tareeke se promote karte hai toh yeh aap ke liye ek magnet post ban sakta hai.

Aisa magnet post aapke website par dher saara traffic la sakta hai. Aur jab ek baar aapki website logon tak pahunch jaati hai toh log bhi dheere dheere aap ke website ko visit karna chalu karte hai.

#10. Attractive Headline

Kya aap ko pata hai headlines ke prakar hote hai?

Jee haan !!!

Headlines ke bhi bahut saare prakar hota hai.

Jaise ki niche diye gaye headlines par ek najar daalte hain

1. How to do on page seo for website step by step

2. 12 Killer on page SEO steps that will rank you in SERP

Yaha pe aap dekh sakte hai headline 1 aur 2 ka meaning wahi hota hai ki on page SEO step by step kaise kare.

Lekin baat agar attention ki aati hai toh headline 2 visitors ko jyada attract karegi.

Aisa kyun hota hai?

Yeh ek mind game hai. Research mein yeh prove hua hai ki logon ka dhyan text se jyada numbers par jata hai.

Maan lijeeye aap ke headline mein saare text hai aur ek hi number hai toh logon ka dhyan 100% uss number pe hi jaayega. Ye ek mentality hoti hai.

Visitors ko ek fix digit milta hai ki itne itne steps hai aur woh sochte hai chalo padh hi lete hai. Iss tarah aap bhi apne post ka headline visitors ki mentality dhyan mein rakhte hue taiyar kijiye.

#11. Guest posting

Guest posting ek best option hai aapke blog ke upar traffic laane ka. Guest posting ka matlab hai aap kisi aur ke blog ke liye post likhna.

Aap ke topic ke related jitne bhi top blogger hai unko aap email karke guest post ke liye request kar sakte hai.

Agar aapko waha se permission milti hai toh aap ek accha sa post likh sakte hai.

Aap jis website pr guest posting katr rahe hai woh pahlese popular hota hai aur uska traffic bhi bahut jyada hota hai.

Aise mein agar unke visitors ko aap ki post pasand aati hai toh jaahir hai ki woh aap ke blog par visit karenge hi.

Agar visitors ko aap ka content accha lagta hai toh definitely aap ke blog ko regular visit karenge.

#12. Wikipedia Traffic

Wikipedia toh sab jaante hi honge. Google mein aap kuch bhi search karenge toh result mein wikipedia aata hi hai. Wikipedia pe traffic bhi kaafi tagda hai.

Aap bhi yaha se traffic generate kar sakte hai. Broken link building techniques se aap ke blog pe accha khasa traffic drive kar sakte hai.

Wikipedia ek bahut badi website hone ke karn waha pe dher saari information update hoti rahti hai. Yeh information aap ya hum jaise users hi update karte hai.

Yaha pe kuch aisi information bhi hoti hai jo bahut purani ho chuki hoti hai yaa phir uss information ki refrence website band ho chuki hoti hai.

Hum aise relevant topic ke broken links dhund ke waha pe apni link replace kar sakte hai.

Broken link dhundne ke liye Wikigrabber naam ki website aap ki help kar sakte hai. Agar aap ko yeh process pata nahi hai toh humara guide padh sakte hai jaha pe step by step bata diya hai ki kaise hum wikipedia se backlink aur saath mein traffic bhi generate kar sakte hai. Iss method ka istemaal karke aap bhi traffic jarur laaye.

#13. Content and SEO

Post ka content humesha high quality rakhiye. Content humesha unique likhiye, time ki chinta mat kare.

Content mein humesha answer par jyada focus kijiye. Apne topic ke related jitne bhi problems hai unko solve karne ki koshish kijiye.

Content likhne se pahle keyword research jarur kare kyunki keywork ke bina traffic nahi aa sakta.

On page SEO pe focus kijiye. Meta description, keyword targeting, keyword  destribution acchi tarah se kijiye.

Content likhke pura hone ke baad usse acchi tarah se design kare. Post mein acchi images, graphs, charts, tables etc ka istemaal jarur kare.

Publish karne se pahle plagairism jarur check kare. Content ka length par dhyan

dijiye. Bina wajah se usse mat khichiye. 2000 words tak aap likh rahe ho toh

yeh ideal hai. Usse bahut chhota ya bahut bada bhi mat likhiye.

Post publish hone ke baad backlink ke upar dhyan dijiye.

Technical SEO ko ignore mat kare. Technical SEO ke bina aap rank nahi kar sakte. Post publish karne ke baad bahut sare errors hote hai jo hume dikhte nahi.

Robots.txt, Indexing, 301 redirection etc pe jarur dhyan de varna aap ki puri mehanat pani mein jayegi.

#14. Write Post Series

Post series kya hoti hai?

Maan lijiye aap ke paas topic ke related ek sub topic hai jismein aap expert hai aur uske upar aap unlimited likh sakte hai.

Aise mein aap usse shorcut mein ek hi post na likhe bulki uski series banaiye. Yeh series aap kuch dino ka gap chhod ke one by one post karte rahe.

Isse hoga yeh ki visitors ki curiosity badhati jayegi aur woh aap ke post ka intzaar karenge.

Series post mein kuch precautions hai jaise ki –

  • Series of post aap tabhi chalu kare jab aap ke paas thodi bahut email list ho jisse aap mail karke post publish ke baare mein bata sako.
  • Series of post publish karne mein consistency rakhe. Matlab 3-4 days ka gap aap rakh rahe hai toh wahi gap maintain kijiye. Isse subsriber disappoint nahi honge.

#15. Most Important – Be Pateint and Consistant

Aaj aapne website publish kar di aur ek ya do mahine mein aap ki post SERP mein 1st position par rank kare yeh expection kabhi mat rakhe.

Aisi expections aap rakh rahe hai toh jaldi hi blogging chhod denge kyunki ye kabhi bhi possible nahi hai.

Aaj search engine mein jo post rank kar rahi hai unki history dekh lijeeye. Woh kitane saal se yeh sab karrahe hai, backlinks kitne hai, traffic kitna hai.

Yeh koi jaadui cheerag nahihai jaha pe deeya ghisa aur aap ki post rank karne lage. Agar aap traffic lana chahte hai toh aap patient rahna hi hoga, yaha pe dusra koi option nahi hai.

Aap kitna bhi accha SEO karlo, quality content likho, rank karne mein time toh lagega hi. Issliye aap ka patience yaha pe test hone wala hai.

Dusri baat hai consistancy- Consistency is the key of success.

Yeh toh har field mein applyhota hai. Aap accha accha content likhate rahiye, hafte mein 2-3 post publishkarte rahiye.

Aisa nahi ki ek hafte mein 4-5 post publish kiye aur agale hafte kuch bhi nahi. Issliye aap ka consistant rahna bahut jaruri hai.

Yeh kuch techniques this jinki madad se hum  accha khasa traffic la sakte hai. Yeh technniques implement karne ke baad turant traffic nahi aa sakta. Isse kuch samay lag sakta hai. Aap ye methods try karte rahiye. Kuch dino baad aap ke website par traffic jarur aayega. Naya naya experiment karte rahiye. Naye tareeke seekhte rahiye. Aur last mein ye kabhi mat bhulana Be Pateint and Consistant

Add a Comment

Your email address will not be published. Required fields are marked *